ನಾವೆಂಥ ಧನ್ಯರು......

ಭವ್ಯ ಪರಂಪರೆಗೆ, ಸಂಸ್ಕೃತಿಗೆ ಜಗತ್ಪ್ರಸಿದ್ಧಿಯಾದ

ಈ ಶೋಭಾಯಮಾನವಾದ ನಾಡಿನಲ್ಲಿ ಜನಿಸಿರುವ ನಾವೆಂಥ ಧನ್ಯರು.....

ರವಿ ಕಾಣದ್ದನ್ನ ಕಂಡ ಕವಿಗಳ ನಾಡು, ಅಭೂತಪೂರ್ವ ಕಲೆಗಳ ಬೀಡು

ಎಂದೆನಿಸಿರುವ ಭೂಮಿಯಲ್ಲಿರುವ ನಾವೆಂತ್ ಧನ್ಯರು...

ಸೋದರತೆ, ಸಮಾನತೆ,ವಿಶಾಲ ಮನೋಭಾವಗಳ ತವರಾದ

ಈ ಚಿನ್ನದ ನಾಡಿನಲ್ಲಿ ಬೆಳೆಯುತ್ತಿರುವ ನಾವೆಂಥ ಧನ್ಯರು..

ನಾಡಿನ ಜನರ ನಾಡಿ-ಮಿಡಿತಗಳಲ್ಲಿ ಉಸಿರಾಗಿರುವ ಕಾವೇರಿ

ತಾಯಿಯ ಮಡಿಲಲ್ಲಿ ಜೀವಿಸುತ್ತಿರುವ ನಾವೆಂಥ ಧನ್ಯರು...

ಸ್ವಾಭಿಮಾನ,ಧೈರ್ಯ,ಪುರುಷಸಿಂಹತ್ವಕ್ಕೆ ನೆಲೆಯಾದ

ಈ ವೀರಭೂಮಿಯಲ್ಲಿ ನೆಲೆಸಿರುವ ನಾವೆಂಥ ಧನ್ಯರು...

ಮುಂಬರುವ ಜನ್ಮಗಳಲ್ಲಿ ಪರಮಪುನೀತೆಯಾದ ಭುವನೇಶ್ವರಿ ತಾಯಿಯ

ಸೇವೆಗಯ್ಯುವ ಪುಣ್ಯ ದೊರೆತರೆ ಆಹ್ಹಾ.. ಆಗ ನಾವೆಂಥ ಧನ್ಯರು.... || ನಾವೆಂಥ ಧನ್ಯರು||

* Ramesha