ನಲುಗದ ನಲ್ಮೆಯ ಮನವೇ

ಸ್ವಾವಲಂಬಿಯಾಗು ಮನವೇ
ಪರರನ್ನು, ನನ್ನವರನ್ನು ನೋಯಿಸಿ ನಂದಿಸದಿರಲಿಕ್ಕೆ
ಸುಂದರವಾದ ಜೀವನ ರೂಪಿಸಿಕೊಲ್ಲಲಿಕ್ಕೆ ಸಾಧಿಸಲಿಕ್ಕೆ...


ಕರುಣಾಮಯಿಯಾಗು ಮನವೇ
ಕಷ್ಟ - ಕಾರ್ಪಣ್ಯಗಳಲ್ಲಿ ಬೆಂದು ಬೇಸತ್ತಿರುವ ಆಶೊತ್ತರಗಳಿಗೆ ಸಾಂತ್ವನದ ಲೇಪನ ಹಕ್ಚಿ ಬದುಕನ್ನು ಹಸನಗೊಲಿಸಲಿಕ್ಕೆ
ಜೀವನದುಡ್ದಕ್ಕೂ ಭರವಸೆ, ಆಶಾಭಾವನೆಗಳ ಹೊಳೆ ಹರಿಸಲಿಕ್ಕೆ...

ಸೌಮ್ಯಮಯಿಯಾಗು ಮನವೇ
ತಾಳ್ಮೆಯ ಒಡಲ್ಲನ್ನರಿತು ಜೀವನದ ಸಾರವನ್ನ ಸವಿಯಲಿಕ್ಕೆ
ಪರಮ ಶ್ರೇಷ್ಟವಾದ ಮನುಧರ್ಮದ ಮಹತ್ವವನ್ನ ಸಾರಿ ಹೇಳಲಿಕ್ಕೆ....

ನಿರಾತಂಕಮಯಿಯಾಗು ಮನವೇ
ಗೆಲುವಿನ ಸೋಪಾನವನ್ನ ಸುಭದ್ರಗೊಳಿಸಲಿಕ್ಕೆ
ನಾನೆಂಬ ಅಹಂಕಾರ ಹಾಗೂ ಮೌಢ್ಯತೆಯಿಂದ ಹೊರ ಬರಲಿಕ್ಕೆ....

ಪಾವನಮಯಿಯಾಗು ಮನವೇ
ಪೋಷಕರ ಪೋಷಣೆಯನ್ನ ಪುಷ್ಪಗಳ ಕೋಮಲತೆ,ಮೃದುತ್ವದಂತೆ ಪೋಷಿಷಲಿಕ್ಕೆ
ನಾಡು-ನುಡಿ-ಸಂಸ್ಕೃತಿಯನ್ನ ಜನನಿಯಂತೆ ಗೌರವಿಸಲಿಕ್ಕೆ, ಪೂಜಿಸಲಿಕ್ಕೆ....